Ukraynadakı müharibə zamanı qolunu itirən əsgər “Şaxtyor” və “Zorya” komandaları arasında keçirilən oyunda şərəfləndirilib.
Lent.az-ın xarici mediaya istinadən xəbərinə görə, “Şaxtyor”un baş məşqçisi Arda Turan simvolik başlanğıc edən əsgəri qucaqlayıb və ona forma hədiyyə edib.
“Şaxtyor” və “Zorya” komandaları arasında keçirilən oyundan əvvəl mənalı bir an yaşanıb. Müharibədə qolunu itirən ukraynalı əsgər şərəfləndirilmək üçün meydana dəvət edilib. Əsgər simvolik başlanğıc zərbəsini yerinə yetirib və oyundan əvvəl oyunçularla görüşüb.
“Şaxtyor”un baş məşqçisi Arda Turan da ukraynalı əsgərə xüsusi diqqət yetirib. Turan əsgəri qucaqlayıb və ona dəstək jesti olaraq köynək hədiyyə edib. Müharibədə qolunu itirən əsgərə qarşı bu jest oyundan əvvəlki ən mənalı anlardan biri olub.
