“Fənərbaxça”nın dünyaca məşhur argentinalı futbolçu Lionel Messiyə illik 50 milyon avro maaş təklif etdiyi iddia edilib. Messinin təklifi rədd etməsinin səbəbinin atasının xəstəliyi olduğu deyilir.
Lent.az-ın xarici mediaya istinadən xəbərinə görə, “Fənərbaxça”nın transfer fəaliyyəti ilə bağlı maraqlı bir iddia ortaya atılıb. İdman şərhçisi Barış Yurduseven İstanbul klubunu argentinalı ulduz Lionel Messini transfer etməyə çalışdığını iddia edib.
Yurdusevenin sözlərinə görə, “Fənərbaxça” Messiyə illik 50 milyon avro maaş təklif edib. Dünyaca məşhur futbolçu üçün təklif edilən bu rəqəm iddianın ən təəccüblü detalıdır.
Barış Yurduseven, “Fənərbaxça”nın Messiyə təklif etdiyini tam əminliklə bildirib, açıqlamasında deyib: “Bunu 100 faiz əminliklə deyirəm. “Fənərbaxça” Messiyə illik 50 milyon avro maaş təklif etmişdi. Həmin vaxt Messinin atası xəstələnmişdi”.
