Türkiyədə noyabrın 1-dən etibarən 15 yaşına çatmamış uşaqların sosial şəbəkələrdən istifadəsi qadağan ediləcək.
Lent.az yerli mediaya istinadla xəbər verir ki, bu barədə Prezident Administrasiyasının Kibertəhlükəsizlik İdarəsi məlumat yayıb.
Yeni qaydalara əsasən, 15-18 yaşlı yeniyetmələrə yaşlarına uyğun xidmətlər göstəriləcək. Sosial şəbəkələrdə yeni hesab açan şəxslərin yaşını təsdiqləməsi məcburi olacaq. Mövcud hesabların yoxlanılması üçün isə 31 mart 2027-ci ilədək vaxt verilib.
Yaşın təsdiqlənməsi “e-Devlet” sistemi vasitəsilə həyata keçiriləcək. Bu zaman istifadəçilərin şəxsi məlumatları sosial şəbəkə platformalarına ötürülməyəcək.
Qurum vətəndaşları yaş təsdiqlənməsi adı altında yayılan saxta keçidlərə və dələduzluq hallarına qarşı diqqətli olmağa çağırıb.
